Documentos de texto.
Con este curso aprenderás a utilizar ferramentas de uso libre e gratuíto coma LibreOffice Writer para escribir, procesar textos, e desenvolverte no mundo dixital no que vivimos.
Aprenderás primeiro a moverte polo programa e obterás recursos para aprender a mecanografar, seguido dunhas nocións básicas sobre tipografía e maquetaxe.
Despois aprenderás a traballar con parágrafos e estilos, para non coller malos hábitos e organizar ben os documentos dende o inicio. Aprenderás a utilizar os cabeceiros e pés de páxina, a dividir en columnas, a utilizar táboas, a inserir imaxes e caracteres especiais, e a combinar datos das táboas de cálculo.
Aprenderás tamén a utilizar os campos automáticos, útiles en documentos grandes, a usar os dicionarios e as ferramentas de corrección, e tamén a ler as estatísticas do documento para controlar canto se escribe e a que velocidade. Aprenderás a estruturar correctamente un documento complexo e a xerar un índice.
Por último aprenderás a exportar o teu traballo en PDF para poder imprimilo ou compartilo na rede.
